搬左喇

我個blog搬左喇！去左呢度呀：

http://hk.myblog.yahoo.com/jw!Zv8qDwmZEQUxsRX0XKCTjQ--

自助餐

今天同一班同事一行十六個人去左金鐘食自助餐，雖然都幾遠下，不過真係幾好食。出名大食的我和珠姐，由六點幾食到十點，中場休息左半個鐘，以平日來計真係叫好多人，差不多full晒，好多人。

平日好少見到德文會食咁多野，估佢o吾到，一食食左兩打生蠔，我想佢個胃一定有幽門螺旋菌（升級版）。

制服 ＋ 帽 ＝？？

今天行返工途中靈光一閃想起今個星期開始要帶返頂帽，好彩早左出門口如果o吾係都o吾知要攪幾耐。

自從上年年中換制服之後都o吾洗帶帽都成幾個月，所以好o吾慣。而且頂帽仲麻煩過以前個頂，攪成個幾兩個字先整好個頭，都算喇，同條制服裙襯埋成個AV女優咁！自己看見都「頂」o吾順，返到上ward見到Ｄ同事，大家你眼望我眼，笑到衰衰咁，都好無奈的樣，而我就忍o吾住講左句：「大家好我係一號‘長崎良美’（長期糧尾）」

又大一歲

又大一歲，不過我仍然係我，無因為年紀改變我的行為

布冧當然同我一起慶祝

隻蠔仲大過我隻手

今天係我的正日生日，朝早同媽咪飲茶多謝佢當年咁辛苦生我出o黎，仲要激足佢咁多年，下午同珠姐去左買衫，之後當然同我個水果先生慶祝啦！今天他book左荃灣的如心廣場的 L Hotel的自助餐，因為新開張所以有85折，二百幾蚊一個人又多野食都幾抵。

好開心，布冧仲摺左張立體的生日咭比我，結婚之後都無話送禮物比對方，就算係送都係放係屋企一齊用，好似無左禮物的意義，雖然呢張生日咭o吾洗錢，不過我真係好鍾意，人大了收的禮物要求都o吾同左。thanks!我的水果先生。

準備...我的生日會

買左幾頂生日帽，到時我係主角一定要戴著影相

玩遊戲用的的小禮物，你地有無印象玩過呀？
仲有Ｄcheap cheap 細個時食的食物作為安慰獎

今年很想為自己開一個生日會，所以在半個月前便開始邀請朋友。

今天是開生日會之前的假期，所以去買一些用品。而且還買了一些小小禮物到時玩遊戲用。好耐都無期待過生日的到來，今年卻很期待因為有得玩！安排了一些遊戲好似掙櫈仔、踩波波，希望到時有份來的同學朋友都可以好似細個o個時咁，玩得好投入啦！！記得對上一次的生日會好像是小學三年班，係屋企攪的，個日媽咪仲忙到一頭煙！

P.S o黎的朋友o吾好買禮物呀！

出入平安

早前有講過我家的小狗耐不耐就會在洗手間的門口「大大」，近期家姐都中過招，於是媽咪買左一張地毯放在厠所門口，不過我想都起不到什麼作用，但是媽咪話係比一家人的一個祝福喎！！

識少少

最近流感高峰期，自從新聞大事報導後醫院比平時更忙。由於報章新聞亦有講解有關流感及賜胃炎等的病徵，所以出現了有病人及家屬識少少扮代表的情況，但係又 引起左一Ｄ笑話。有個小朋友因為「輪狀病毒」所以肚疴，點知個爸爸話比自己老婆知個仔患左「窩輪病毒」，都幾好笑呀，個老豆可能中左股票毒！仲有，有個病 人因為感冒看左幾次醫生都未好返，所以入院啦，佢不停咁叫我記住提醫生同佢check血，佢驚Ｄ流感令佢 DNA變種，呢個病人真係看Ｄ科幻片太多喇！不過係沉悶的工作中加Ｄ笑話都幾好呀！

昂坪360

好耐無同布冧一起去影相了，上星期約好了布冧今天一起去昂坪360。之前醫院call我今日返工，我都一口回絕了！

今天一早起來，未到正午就已經到了東涌了。昂坪360有兩種套票：一是單程纜車平日＄58，來回就要＄88，另外在上電梯前的大嶼山巴士站有一種＄73的套票包了單程的纜車及一日任搭的大嶼山巴士，其實呢個都幾好，可以去埋大澳，不過最後都是買了來回的纜車套票。

纜車都幾好坐，不過同海洋公園不同，360就要最少座六個人，原來最多人可以座成十八個的！到時就只有企位。我沒有計時所以不知座了幾耐，不過架車都幾穩定。纜車分開四段，介紹遊客主要看的風景，不過我同Ｄ外國人一架車，好似我同布冧似遊客多Ｄ！o吾通香港真係咁悶？

小ＢＢ

十二天大的ＢＢ 手指很長

不停睡的小ＢＢ

放回床都一樣理得理照訓

醒了，是因為沖完涼

今天放假去了探好朋友惠文的小女兒，如果你問我ＢＢ似邊個，我真的答不到你，不過ＢＢ的愛睡性格就似足媽媽。

P.S離開時還拿走了一呈薑醋，謝謝惠文媽咪！！

結婚相

近來有很多朋友問我結婚相幾時有，於是便打去問下攝影師，才知道會在兩個月內完成到時再通知我們。可能十二月真是太多人結婚了，所以才要等這麼耐。幸好，那天找來朋友幫手拍攝，現在有一些照片給大家看。老實說，二十幾三十圍酒，影相真是很難影完，可能當中有些賓客沒有與我合照，真的抱歉！！